سەرۆکی هەرێمی کوردستان لە پرسەنامەیەکدا هاوخەمی خۆی بۆ کۆچی دوایی هونەرمەند مەهدی ئومێد دەربڕی و سەرەخۆشی لە بنەماڵە، کەسوکار و هونەرمەندانی کوردستان دەکات.
ئەمڕۆ شەممە 28-3-2026، نێچیرڤان بارزانی، سەرۆکی هەرێمی کوردستان، لە پەیامێکدا هاوسۆزی و هاوخەمی خۆی بۆ کۆچی دوایی هونەرمەند و سینەماکاری ناسراوی کورد، خوالێخۆشبوو "مەهدی ئومێد" ڕاگەیاند.
لە پرسەنامەکەدا هاتووە: "سەرەخۆشی لە بنەماڵە و کەسوکاری بەڕێزیان و هونەرمەندانی کوردستان و هاوڕێیانی دەکەم، هاوسۆز و هاوخەمیانم."
سەرۆکی هەرێمی کوردستان لە خوای مەزن داواکارە گیانی خوالێخۆشبوو بە بەزەیی و میهرەبانیی خۆی شاد بکات و ئارامی و دڵنەوایی بە هەمووان ببەخشێت.
مەهدی ئومێد یەکێک بوو لە هونەرمەند و سینەماکارە دیارەکانی کوردستان کە خاوەنی چەندین بەرهەمی سینەمایی و هونەرییە و ساڵانێکی زۆر خزمەتی بە کهلتوور و سینەمای کوردی کردووە، کۆچی دوایی ئەو وەک زیانێکی گەورە بۆ کایەی هونەری لە هەرێمی کوردستان دەبینرێت.
کۆمێنت (0)
تا ئێستا هیچ کۆمێنتێک نەکراوە.