وەزیری دەرەوەی تورکیا سەرەخۆشی لە سەرۆکی حکوومەتی هەرێمی کوردستان دەکات

ئێوارەی ئه‌مڕۆ سێشه‌ممه  مەسرور بارزانى سه‌رۆكى حکوومەتی هه‌رێمى كوردستان پەیوەندییەکی تەلەفۆنی لە هاکان فیدان وەزیری دەرەوەی تورکیاوه‌ پێگه‌يشت.

حکوومەتی هەرێمی کوردستان رایگەیاند: وەزیری دەرەوەی تورکیا، پرسە و سەرەخۆشی و هاوخەمیی خۆی و تورکیای بە سەرۆکی حکوومەت گەیاند بۆ شەهیدبوونی شەش پێشمەرگە لە هێرشی مووشەکی بالیستیی ئێرانی بۆ سەر هێزەکانی پێشمەرگە.

لە بەشێکی دیکەی راگەیەنراوەکەدا هاتووە: هاکان فیدان وەزیری دەرەوەی تورکیا هیوای زوو چاکبوونەوەشی بۆ برینداران خواست و سەرۆکی حکوومەتی هەرێمی کوردستان سوپاسی پەیوەندی و هاوخەمیی وەزیری دەرەوەی تورکیای کرد.