سەرۆکی حکوومەتی هەرێمی کوردستان و نوێنەری ئەمریکا لە نەتەوە یەکگرتووەکان لە پەیوەندییەکی تەلەفۆنیدا، جەختیان لە گرنگی بەهێزترکردنی پەیوەندییەکانی ئەمریکا و هەرێمی کوردستان کردەوە.
ئەمڕۆ یەکشەممە 22ـی ئادار، لە پەیوەندییەکی تەلەفۆنیدا، مەسرور بارزانی سەرۆکی حکوومەتی هەرێمی کوردستان و باڵیۆز مایکڵ واڵتز نوێنەری ئەمریکا لە نەتەوە یەکگرتووەکان، گۆڕانکاری و پەرەسەندنەکانی ئەم دواییەی هەرێمی کوردستان و عێراق و ڕۆژهەڵاتی ناوەڕاستیان تاوتوێ کرد.
هەروەها گفتوگۆیان لەبارەی کاریگەرییەکانی قەیرانی ئابووری لەسەر هەرێمی کوردستان و عێراق و ڕێگەدان بە هەناردەکردنی نەوت لە ڕێگەی بۆریی هەرێمی کوردستانەوە بۆ تورکیا کرد، وەک هەنگاوێک بۆ یارمەتیدان و کەمکردنەوەی بارگرانی دۆخی دارایی.
هەردوولا جەختیان لە گرنگی بەهێزترکردنی پەیوەندییەکانی ئەمریکا و هەرێمی کوردستان کردەوە.
کۆمێنت (0)
تا ئێستا هیچ کۆمێنتێک نەکراوە.