وەزیری گەنجینەی ئەمریکا ڕایگەیاند کە حکوومەت پارەیەکی زۆری هەیە بۆ دابینکردنی تێچووی جەنگ لەگەڵ ئێراندا، بەڵام داوای بڕە پارەیەکی زیادە لە کۆنگرێس دەکات بۆ دڵنیابوون لەوەی کە لە داهاتوودا سوپا پێداویستیی تەواوی بۆ دابین دەکرێت.
سکۆت بێسێنت، وەزیری گەنجینەی ئەمریکا ڕایگەیاند، ئەگەری هەر جۆرە فشارێکی بۆ پەسەندکردنی زیادکردنی باج لەپێناو دابینکردنی داراییی جەنگەکە ڕەت کردەوە، هەروەها بەرگریشی لە داواکارییەکە کرد بۆ پارەی زیادە، بێ ئەوەی بڕەکەی پشتڕاست بکاتەوە.
وەزیری گەنجینەی ئەمریکا گوتی: "ئێمە پارەیەکی زۆرمان هەیە بۆ دابینکردنی تێچووی ئەم جەنگە و ئەمەش بڕە پارەیەکی زیادەیە." هەروەها ئاماژەی بەوە دا کە دۆناڵد ترەمپ، سەرۆکی ئەمریکا کاری کردووە بۆ بەهێزکردنی سوپا و دەیەوێت دڵنیا بێت لەوەی کە لە قۆناغی داهاتوودا سوپا بە باشی پێداویستییەکانی بۆ دابین دەکرێت.
پێشتر، پیت هێگسێس، وەزیری جەنگی ئەمریکا ئاماژەی بەوە دا "پارە زیادەکە پێویستە بۆ دڵنیابوون لە دابینکردنی پارەی تەواو بۆ ئەوەی تا ئێستا کراوە، بۆ ئەوەشی کە ڕەنگە لە داهاتوودا بیکەين".
داواکارییەکەی سوپای ئەمریکا بۆ بەدەستهێنانی بڕی 200 ملیار دۆلاری زیادەیە بۆ جەنگی ئێران.
کۆمێنت (0)
تا ئێستا هیچ کۆمێنتێک نەکراوە.