سەرۆكی حكوومەتی هەرێمی كوردستان و سەرۆك وەزیرانی دەوڵەتی كوێت لە پەیوەندییەكی تەلەفۆنیدا دوایین زانیارییەكانیان لەبارەی پەرەسەندنەكانی شەڕ و ئاڵۆزییەكانی ناوچەكە تاوتوێ كرد.
ئێوارەی ئەمڕۆ شەممە مەسرور بارزانی سەرۆکی حکوومەتی هەرێمی کوردستان و سەرۆک وەزیرانی دەوڵەتی کوەیت شێخ ئەحمەد عەبدوڵا ئەلسەباح، لە پەیوەندییەکی تەلەفۆنیدا، گفتوگۆیان لەبارەی دۆخی گشتیی ناوچەکە و بە تایبەت دەوڵەتی کوەیت و عێراق و هەرێمی کوردستان و دوایین پەرەسەندنەکانی شەڕ و ئاڵۆزییەکان کرد و هەردوولا نیگەرانی قووڵی خۆیان لە پەرەسەندنی هێرش و شەڕ و گرژییەکان دەربڕی.
هەروەها جەختیان لە پێویستیی بەهێزکردنی هاوکاری و هاوئاهەنگیی دوولایەنە بۆ هێورکردنەوەی دۆخەکە و پاراستنی ئاشتی و ئارامی و سەقامگیریی ناوچەکە کردەوە.
کۆمێنت (0)
تا ئێستا هیچ کۆمێنتێک نەکراوە.