وەزارەتی پەروەردەی عێراق بڕیاری كۆتایی لەبارەی شێوازی خوێندن لە قوتابخانەكان دا لە ئەنجامی ئەو بارودۆخە ناسەقامگیرییەی كە ئێستا لە شارەكانی عێراق دروستبووە بەهۆی هێرشەكانی ئەمریكا و ئیسرائیل بۆ سەر ئێران.
وەزارەتی پەروەردە ئەمشەو شەممە لە راگەیەنراوێكدا رایگەیاند: بۆ سەرجەم قوتابییان و ناوەندەكانی خوێندن.. دەوامی فەرمی لە قوتابخانەكان وەك پێشووتر بەشێوەی ئامادەبوون و راستەوخۆ لەناو قوتابخانەكان ئەنجام دەدرێت.
وەزارەتەكە داواشی لە بەڕێوەبەری قوتابخانەكان كرد پابەندبن بە كاتەكانی خوێندن و پڕۆسەی ئەمساڵی خوێندن تەواو بكەن.
ئەمە راگەیەنراوەی وەزارەتی پەروەردەی عێراق لە كاتێكدایە كە چەند رۆژێكە لە میدیا و تۆڕەكانی كۆمەڵایەتی دەنگۆی ئەوە بڵاو دەكرێتەوە كە پڕۆسەی خوێندن لە عێراق دەبێتە ئۆنلاین بەهۆی بەردەوامی شەڕ و هێرشەكانی ئەمریكا و ئیسرائیل بۆ سەر ئێران كە دۆخێكی ناسەقامگیری ئەمنی و سیاسی لە ناوخۆی عێراقدا دروستكردووە.
کۆمێنت (0)
تا ئێستا هیچ کۆمێنتێک نەکراوە.