ئەمڕۆ هەینی، سەرۆکی لوبنان، جەنەڕاڵ جۆزێف عەون، داوای لە سەرجەم وڵاتانی جیهان و نەتەوە یەکگرتووەکان کرد دەستوەردان بکەن بۆ ڕاگرتنی هێرشه سەربازییەکانی ئیسرائیل بۆ سهر وڵاتهكه.
لە بەیاننامەیەکی سەرۆکایەتی کۆماری لوبناندا هاتووە: " جەنەڕاڵ جۆزێف عەون سهرۆك كۆماری لوبنان زنجیرەیەک پەیوەندی نێودەوڵەتیی ئەنجامداوە بۆ داواکردنی پشتیوانی لە وڵاتانی برا و دۆست، بە مەبەستی سنووردارکردنی دەستدرێژییەکانی ئیسرائیل.
راشیگهیاندووه: ئەم هێرشە چڕانه بوونەتە هۆی كوژران و برینداربوونی ژمارەیەکی زۆر لە هاووڵاتییان، جگە لە وێرانکارییەکی گەورە و ئاوارەبوونی هەزاران کەس.
له بەیاننامەکە دا هاتووه: سەرۆکی لوبنان سەرکۆنەی توندی ئەم تاوانە بەرفراوانانەی ئیسرائیلی کردەوە و داوای لە کۆمەڵگەی نێودەوڵەتی و نەتەوە یەکگرتووەکان کرد بە پەلە بجوڵێن و سنوورێک بۆ ئەم پەرەسەندنە مەترسیدارەی ئیسرائیل دابنێن.
کۆمێنت (0)
تا ئێستا هیچ کۆمێنتێک نەکراوە.