هێلیكۆپتەرێكی تایبەتی سوپای پیرۆ كەوتە خوارەوە و بەهۆیەوە سەرجەم سەرنشینەكانی ناوی كە 15 كەس بوون گیانیان لەدەست دا، لەنێویاندا 7 منداڵ هەن.
هێزی ئاسمانی پیرۆ بڵاوی كردەوە، درەنگانی شەوی رابردوو پەیوەندی بە فڕۆكەیەكمان لە جۆری هێلیكۆپتەر (MI-17) پچڕاوە، ئەمڕۆ دووشەممە دوای هەڵمەتێكی چڕی گەڕان توانرا پارچەی فڕۆكەكە لە ناوچەی ئەریكویبا بە تێكشكاوەكەیی بدۆزرێتەوە.
ھێزی ئاسمانی پیرۆ لە بەیاننامەیەكدا هەروەها گیانلەدەستدانی تیمی فڕۆكەوانی و سەرجەم سەرنشینانی ناو هێلیكۆپتەرەكەی راگەیاند كە پێكهاتبوون لە 15 كەس، لەنێو ئەواندا 7 منداڵ هەبوون.
ئەو هێلیكۆپتەرەی كەوتۆتە خوارەوە پێشتر لەلایەن سوپای پیرۆ بۆ پڕۆسە گەڕان و رزگاركردنی لە كارەساتە سروشتییەكان بەكارهاتووە، هەروەها چەند جارێكیش بۆ كاری مەشقی سەربازی و خۆهەڵدان بە پەڕەشووت بەكارهاتووە، دیاریش نییە شەوی رابردوو بۆ چ مەبەستێك لە ئاسمان بووە و بەهۆیەوە كەوتۆتە خوارەوە.
کۆمێنت (0)
تا ئێستا هیچ کۆمێنتێک نەکراوە.