کوردستان تیڤی هاوکاری و پشتیوانیی هەڵبژاردەی تۆپی دەستی کوڕانی هەولێر دەکات کە لە پاڵەوانەتیی مانگی رەمەزانی پیرۆز لە شاری سلێمانی بەشدارە.
دوای ئەوەی ژمارەیەک یاریزانی ئاستبەرز و بەتوانای ئەم هەڵبژاردەیە، لە بەدواداچوونێکی میدیایی کوردستان تیڤی، باسیان لەوە کرد یەکێک لە گرفتە هەرە سەرەکییەکانیان نەبوونی پاڵپشتی و هاوکارییە، کوردستان تیڤی وەک خەمخۆرێک بۆ لاوان و وەرزشوانان و ئەم یارییە گرنگە، بڕیاری دا هاوکار و پشتیوانیان بێت.
بۆ ئەم مەبەستەش لە لایەن بەرپرسی کارگيریی دەزگای سەتەلایتی کوردستانەوە، پێشوازی لە تیپی تۆپی دەستی هەڵبژاردەی هەولێر کرا و پاڵپشتی و هاوکارییەکان دووپات کرایەوە.
هەڵبژاردەی تۆپی دەستی هەولێر، ساڵانە بەشداریی پاڵەوانەتیی تۆپی دەستی مانگی رەمەزانی پیرۆز دەکات بەڵام تا ئێستا لە لایەن هیچ لایەنێکی فەرمییەوە پاڵپشتی و هاوکاری نەکراوە.
کۆمێنت (0)
تا ئێستا هیچ کۆمێنتێک نەکراوە.