بڕیارە رۆژی هەینی داهاتوو گەڕێ سێیەمی دانوستانەكانی نێوان ئێران و ئەمریكا بەڕێوەبچێت، دوای بەڕێوەچوونی گەڕی یەكەم و دووەم لە هەردوو وڵاتی عومان و سویسڕا.
میدیاكانی ئەمریكا بڵاویان كردۆتەوە: چاوەڕوان دەكرێت رۆژی هەینی داهاتوو گەڕی سێیەمی دانوستانەكانی نێوان ئێران و ئەمریكا بەڕێوەبچێت، ئەمە ئەگەر ئێران لە ماوەی 48 كاتژمێردا پێشنیارێك سەبارەت بە رێككەوتنی ئەتۆمی پێشكەش بكات.
چاوەڕوان دەكرێت ئێران و ئەمریكا رێككەوتنێكی پێشوەختە ئەنجام بدەن بەر لەوەی بگەنە رێككەوتنی كۆتایی لەبارەی دۆسییەی ئەتۆمییەوە.
دانوستانی یەكەمی نێوان ئێران و ئەمریكا لە سەرەتای ئەم مانگە لە وڵاتی عومان بەڕێوەچوو، دواتر دانوستانی دووەم لە ناوەڕاستی ئەم مانگە لە جنێفی پایتەختی سویسڕا بەڕێوەچوو.
سەبارەت بە هەردوو دانوستانەكە، عەباس عێراقچی وەزیری دەرەوەی ئێران رایگەیاندبوو كە ئەرێنین و هیوا هەیە بۆ رێككەوتنی كۆتایی لەنێوان هەردوولادا.
کۆمێنت (0)
تا ئێستا هیچ کۆمێنتێک نەکراوە.