بەڕێوەبەرایەتیی گشتی کەشناسی و بوومەلەرزەزانی هەرێم پێشبینییەکانی بۆ بارودۆخی کەشوهەوای 48 کاتژمێری داهاتوو بڵاوکردەوە، کە تێیدا ئاماژە بە هاتنی بارستە هەوایەکی ساردی جەمسەری و شەپۆلێکی بەفر و باران دەکات بۆ سەر ناوچەکانی هەرێمی کوردستان.
ئەمڕۆ هەینی، 23ـی کانوونی دووەم، بەڕێوبەرایەتیی کەشناسی و بومەلەرزەزانی، ڕایگەیاند: ئەمڕۆ ئاسمان بە گشتی هەوری باراناوی دەبێت. پێشبینی دەکرێت نمەباران و بارانی مامناوەند ببارێت، لە زۆربەی ناوچەکانیش بەفر دەبارێت یان تێکەڵەیەک لە باران و وردە بەفر دەبێت.
لە ڕاگەیەندراوەکەدا هاتووە: کاریگەری ئەم شەپۆلە تا کاتەکانی ئێوارە بەردەوام دەبێت، بەتایبەت لە ناوچە شاخاوییەکان و ناوچە سنوورییەکان، پاشان لە شەودا کاریگەرییەکەی کۆتایی دێت و کەشوهەوا ئاسایی دەبێتەوە. پلەی گەرماش بەراورد بە دوێنێ 4 بۆ 6 پلە نزم دەبێتەوە.
بۆ سبەی شەممە، 24ـی کانوونی دووەم، کەشناسی پێشبینی دەکات، ئاسمان لە نێوان پەڵەهەور و نیمچەهەوردا دەبێت، بەڵام لە ناوچە شاخاوییەکان هەندێک کات دەگۆڕێت بۆ هەوری تەواو. پلەی گەرما لە نزمترین ئاستدا 1 بۆ 2 پلەی دیکە نزم دەبێتەوە، بەڵام پلە بەرزەکان 1 بۆ 4 پلە بەرزتر دەبنەوە بەراورد بە ئەمڕۆ.
بەرزترین پلەی گەرمای پێشبینیکراوی 48 کاتژمێری داهاتوو بە پلەی سیلیزی:
| شار و ناوچە جیاجیاکانی هەرێم | هەینی | شەممە |
| هەولێر | 3 | 5 |
| سلێمانی | 2 | 4 |
| دهۆک | 2 | 5 |
| کەرکووک | 5 | 7 |
| هەڵەبجە | 2 | 4 |
| زاخۆ | 3 | 5 |
| سۆران | 1 | 1 |
| پیرمام | 1 | 2 |
| ئاکرێ | 3 | 5 |
| حاجی ئۆمەران | -3 | -4 |
کۆمێنت (0)
تا ئێستا هیچ کۆمێنتێک نەکراوە.