کونسوڵخانەی گشتیی ئەمریکا لە هەولێر ڕایگەیاند لە نزیکەوە چاودێریی ئەو بانگەوازانە دەکات کە بۆ ئەنجامدانی خۆپیشاندان و گردبوونەوە لە شاری هەولێر و ناوچەکانی دیکەی هەرێمی کوردستان بۆ ئەمڕۆ سێشەممە، 20ـی کانوونی دووەمی 2026 کراون. لەم چوارچێوەیەدا، کونسوڵخانەکە داوا لە هاووڵاتییانی ئەمریکی دەکات کە لە شوێنی گردبوونەوەکان دوور بکەونەوە و چاودێریی دۆخەکە بکەن.
بەپێی ڕاگەیەندراوەکەی کونسوڵخانە، ئامۆژگاریی هاووڵاتییانی ئەمریکی کراوە کە بەردەوام چاودێریی میدیا ناوخۆییەکان بکەن بۆ ئاگاداربوون لە دوایین گۆڕانکارییەکان.
کونسوڵخانەکە هۆشداریی داوە ئەم جۆرە خۆپیشاندانانە دەکرێت بەبێ ئاگادارکردنەوەی پێشوەختە ڕوو بدەن و بە خێرایی پەرە بسێنن. هەروەها ئاماژەی بەوە کردووە کە گردبوونەوەکان زۆرجار دەبنە هۆی پەکخستنی هاتوچۆ، ڕاگرتنی گواستنەوە و خزمەتگوزارییە گشتییەکان، و هەندێک جار ئەگەری دروستبوونی گرژی و توندوتیژیش لە ئارادایە.
لە بەشێکی دیکەی ڕاگەیەندراوەکەدا، کونسوڵخانەی ئەمریکا وەبیری هێناوەتەوە کە هۆشداریی گەشتکردنی وەزارەتی دەرەوە بۆ عێراق هێشتا لەسەر "ئاستی 4: گەشت مەکە" (Level 4: Do Not Travel) جێگیرە. ئەم بڕیارە بەهۆی بوونی مەترسییەکانی وەک تیرۆر، ڕفاندن، ململانێی چەکداری و نائارامیی مەدەنییەوە دراوە. هەروەها جەخت کراوەتەوە کە توانای نوێنەرایەتیی ئەمریکا لە عێراق بۆ پێشکەشکردنی پشتیوانی و هاوکاری بە هاووڵاتییانی ئەمریکی لە کاتی قەیرانەکاندا سنووردارە.
کونسوڵخانەکە کۆمەڵێک ڕێنمایی ئاراستەی هاووڵاتییانی خۆی کردووە، کە پێویستە بۆ پاراستنی سەلامەتیی گیانیان بیگرنە بەر:
* دوورکەوتنەوەی تەواو لە ناوچەی خۆپیشاندانەکان و گردبوونەوە جەماوەرییە گەورەکان.
* نواندنی وریایی و هەستیاریی زیاتر لە ئەگەری کەوتنە نزیک شوێنی گردبوونەوەکان بە شێوەیەکی چاوەڕواننەکراو.
* جووڵەکردن بە شێوەیەکی ئاسایی و بێدەنگ، بە جۆرێک سەرنجی دەوروبەر بۆ خۆیان ڕانەکێشن.
* بەردەوامبوون لە چاودێریکردنی میدیاکان بۆ وەرگرتنی زانیاریی نوێ و ڕێنماییەکان.
کونسوڵخانەی ئەمریکا داواشی کردووە بۆ زانیاریی وردتر سەردانی لاپەڕەی تایبەت بە زانیارییەکانی عێراق لە ماڵپەڕی بکەن و پێداچوونەوە بە تواناکانی حکومەتی ئەمریکادا بکەن سەبارەت بەوەی چی دەتوانن و چی ناتوانن بۆ هاوکاریکردنی هاووڵاتییان لە دەرەوەی وڵات ئەنجام بدەن.
Location: Erbil, Iraqi Kurdistan, Iraq
— U.S. Consulate General Erbil (@USCGERBIL) January 20, 2026
Event: U.S. Consulate General Erbil is monitoring calls for demonstrations in Erbil and other areas of the Iraqi Kurdistan Region on Tuesday, January 20, 2026. The U.S. Mission continues to advise U.S. citizens to monitor local media for… pic.twitter.com/FbG1GK0nQr
کۆمێنت (0)
تا ئێستا هیچ کۆمێنتێک نەکراوە.