بەڕێوەبەرایەتیی هاتوچۆی گەرمیان ڕایگەیاند، پاشنیوەڕۆی ئەمڕۆ لە ئەنجامی وەرگەڕانی مینی پاسێک لە سنوورەکە، 13 کەس بریندار بوون و بەهۆی سەختیی برینەکانیانەوە بەشێکیان ڕەوانەی سلێمانی کراون.
ڕاگەیاندنی هاتوچۆی گەرمیان بڵاوی کردەوە، پاشنیوەڕۆی ئەمڕۆ هەینی، لە سەیرانگەی سەرتەک لەنێوان گوندی کانی ژاڵە و ملەی سەرتەک، ڕووداوێکی وەرگەڕانی ئۆتۆمبێل لە جۆری مینی پاس ڕووی داوە.
هاتوچۆی گەرمیان ئاماژەی بەوە داوە، بەهۆی ڕووداوەکەوە 13 کەس بریندار بوون و سەرجەمیان بۆ وەرگرتنی چارەسەر گواستراونەتەوە بۆ نەخۆشخانەی دەربەندیخان.
بەپێی زانیارییەکان، بەهۆی سەختیی برینەکانیانەوە 3 لە بریندارەکان ڕەوانەی نەخۆشخانەی سلێمانی کراون.
کۆمێنت (0)
تا ئێستا هیچ کۆمێنتێک نەکراوە.