بەهۆی بارینی بەفرێکی زۆر و نزمبوونەوەی پلەکانی گەرما، هاتوچۆی هەولێر شۆفێران ئاگادار دەکاتەوە کە هاتوچۆکردن لە چەند ڕێگەیەکدا مەترسیدارە و داوا دەکات بەکاریان نەهێنن.
بەگوێرەی ڕاگەیەندراوی هاتوچۆ، لە ئێستادا ئەم ڕێگایانە ئاستەنگیان تێدایە و بۆ هاتوچۆکردن گونجاو نین:
* ڕێگای هەولێر بەرەو شەقڵاوە.
* ڕێگای شەقڵاوە بەرەو هیران.
* ڕێگای لۆفەکانی گەرۆتە.
هەرچەندە تیمەکانی ڕاماڵینی بەفر سەرقاڵی پاککردنەوەی ڕێگاکانن، بەڵام بەهۆی بەردەوامیی بەفر و دابەزینی پلەی گەرما بۆ ژێر سفر، شەختە و بەستەڵەک دروست بووە، ئەمەش ئەگەری خلیسکانی ئۆتۆمبێل و ڕووداوی هاتوچۆ زیاد دەکات.
هاتوچۆی هەولێر داوا لە شۆفێران دەکات: "بۆ پاراستنی گیانی خۆتان و سەرنشینەکانتان، تا کاتی ئاساییبوونەوەی بارودۆخەکە و پاککردنەوەی تەواوەتی ڕێگاکان، بە هیچ شێوەیەک ئەم ڕێگایانە بەکارنەهێنن".
کۆمێنت (0)
تا ئێستا هیچ کۆمێنتێک نەکراوە.