شارەزایەكی كەشناسی رایدەگەیەنێت، سبەی دووشەممە لە سەنتەری شاری سلێمانی بەفر دەبارێت و شارەكە بەتەواوی سپی پۆش دەبێت، ئاماژەی بەوەشداوە كە نەك هەر لە سلێمانی، بەڵكو پێشبینی كراوە لە سەنتەری شارەكانی هەولێر و دهۆك و زاخۆ و چەند ناوچەیەكی دیكەش بەرێژەی جیاواز بەفر ببارێت.
ئاراس جەبار شارەزای كەشناسی رایگەیاند: ئەمشەو كەشوهەوا لە سلێمانی تاڕادەیەك ئاسایی بووەتەوە و ئاسمان بووەتە ساماڵ، بەڵام شاخەكانی دەوروبەری شارەكە بەهۆی زۆری بەفربارینەوە سپی بووە.
راشیگەیاند: سبەی دووشەممە لە کاتەکانی ئێوارە و شەودا شەپۆڵی بەفربارین سەنتەری شاری سلێمانی دەگرێتەوە و تەواوی شار بەرگی سپی دەپۆشێت.
شارەزاكەی كەشناسی پێشتریش ئاماژەی بەوە دابوو، پێشبینی كراوە نەك هەر لە سلێمانی، سبەی دووشەممە لە بەشێك لە سەنتەری شارەكانی هەولێر و دهۆك و زاخۆ و هەڵەبجە و ئیدارەی سۆران و راپەڕین و گەرمیانیش بەڕێژە و بڕی جیاواز بەفر ببارێت.
کۆمێنت (0)
تا ئێستا هیچ کۆمێنتێک نەکراوە.