وەزارەتی دارایی و ئابووریی حکوومەتی هەرێمی کوردستان ڕایگەیاند، بڕی زیاتر لە 942 ملیار دینار وەک تەمویلی مووچەی مانگی تشرینی یەکەم خرایە سەر هەژماری بانکیی وەزارەتەکەیان.
بەگوێرەی ڕاگەیاندراوێکی وەزارەتی دارایی و ئابووری، ئەمڕۆ یەکشەممە 28/12/2025، بڕی 942,845,000,000 (نۆ سەد و چل و دوو ملیار و هەشت سەد و چل و پێنج ملیۆن) دینار وەک تەمویلی مووچەی مانگی تشرینی یەکەمی فەرمانبەران و مووچەخۆرانی هەرێمی کوردستان، خرایە سەر هەژماری بانکیی وەزارەتی دارایی لە لقی هەولێری بانکی ناوەندیی عێراق.
کۆمێنت (0)
تا ئێستا هیچ کۆمێنتێک نەکراوە.