ئەمڕۆ هەینی عەلی عەبدوڵڵا ئیسماعیل گوتەبێژی پۆلیسی هاتوچۆی ڕاپەڕین بە خدر ڕەزگەیی، پەیامنێری کوردستان تیڤی ڕایگەیاند: ڕووداوێکی هاتوچۆ لە جۆری وەرگەڕان ڕوویداوە لە سەر ڕێگای دەروازەی مەرزی کێلێ لە دەڤەری پشدەر.
گوتەبێژی هاتوچۆی راپەڕین گوتی، بەهۆیەوە شۆفێری ئۆتۆمبیلەکە لە جۆری تویۆتا پیکاب هایلۆکس گیانی لە دەستداوە و هەشت کەسیش بریندار بوونە
ناوبراو گوتیشی بریندارەکان چوار ژن و دوو پیاو و دوومنداڵ بوونە و چوار کەسیان بەڕێکراون بۆ سلێمانی کە دوو ژن و دوو منداڵن و ئەوانی دیکەش لە نەخۆشخانەکانی ڕاپەڕین چارەسەر کراون.
ئەو شۆفێرەی گیانی لەدەستداوە ناوی سەرکەوت پیرۆت پیرۆتە و 41 ساڵە
کۆمێنت (0)
تا ئێستا هیچ کۆمێنتێک نەکراوە.