سەرۆک بارزانی بە بۆنەی سەری ساڵی تازە و جەژنی لەدایکبوونی حەزرەتی مەسیح (سڵاوی خودای لێ بێت)، پەیامێكی پیرۆزبایی ئاراستەی كریستیانەكان كرد.
سەرۆك بارزانی لە پەیامە پیرۆزباییەكەدا ئاماژەی بەوە دا "ئومێدەوارم خوشك و برا كریستییانەكانمان هەردەم جەژن و بۆنە خۆشییەكانیان لە ئارامی و ئاشتیدا بكەنەوە".
دەقی پەیامە پیرۆزباییەكەی سەرۆك بارزانی بۆ كریستیانەكان:-
بەناوی خودای بەخشندە و میهرەبان
بە بۆنەی سەری ساڵی تازەی زایینی و جەژنی لەدایکبوونی حەزرەتی مەسیح (سڵاوی خوای لێ بێت)، گەرمترین پیرۆزبایی خۆم ئاڕاستەی سەرجەم خوشک و برایانی کریستیان لە کوردستان و عێراق و جیهان دەکەم و هیوای بەختەوەرییان بۆ دەخوازم.
لەم بۆنەیەدا جەخت لەسەر قووڵترکردنی فەرهەنگی پێکەوەژیان و برایەتی نێوان سەرجەم پێکهاتە ئاینی و نەتەوەییەکانی کوردستان دەکەمەوە و ئومێدی ئەوە دەخوازم خوشک و برا کریستیانەکانمان هەردەم جەژن و بۆنە و خۆشییەکانیان لە ئارامی و ئاشتیدا بکەنەوە. هیوادارم ئەو بۆنەیە سەرەتای کۆتاییهاتنی ناخۆشی و نەهامەتی و ئازاری مرۆڤایەتی بێت لە هەموو جیهان و ئاشتی و پێکەوەهەڵکردن شوێنی بگرێتەوە.
مسعود بارزانی
24ی كانوونی یەكەمی 2025
کۆمێنت (0)
تا ئێستا هیچ کۆمێنتێک نەکراوە.