لە سنووری ئیدارەی ڕاپەڕین بڕی باران بەراورد بە ساڵی ڕابردوو دوو هێندە زیادی کردووە

بەڕێوەبەرایەتیی گشتیی کشتوکاڵی ڕاپەڕین (بەشی کەشناسیی کشتوکاڵی)، ئاماری بارانبارینی 24 کاتژمێری ڕابردوو و تێکڕای بارانی ئەمساڵی ناوچە جیاجیاکانی سنوورەکەی بڵاوکردەوە.

 بەپێی خشتەیەک کە ڕۆژی چوارشەممە 24ـی کانوونی یەکەمی 2025 بڵاو کراوەتەوە، بڕی بارانبارین بەراورد بە هەمان ماوەی ساڵی ڕابردوو زیادبوونێکی پێوانەیی بەخۆیەوە بینیوە.

بارانبارینی 24 کاتژمێری ڕابردوو

لە ماوەی 24 کاتژمێری ڕابردوودا، زۆرترین بڕی باران لە "سەرکەپکان" باریوە کە 23.1 ملیمەتر بووە، دوای ئەویش ناحیەی "سەنگەسەر" دێت بە 22 ملیمەتر. کەمترین بڕی بارانیش لە "ژاراوە" تۆمارکراوە کە 16 ملیمەتر بووە.

کۆی گشتیی بارانی ئەمساڵ و بەراوردکاری

ئامارەکان دەری دەخەن تێکڕای بارانی ئەمساڵ لە سەرجەم ناوچەکان گەیشتووەتە ئاستێکی زۆر باش. ناحیەی "حاجیاوا" بە کۆی 288.4 ملیمەتر، زۆرترین بڕی بارانی لێ باریوە، لە کاتێکدا ساڵی ڕابردوو لە هەمان ڕێکەوتدا تەنها 72.4 ملیمەتر بارانی لێ باریبوو.

بڕی بارانی ناوچەکان بە ملیمەتر (کۆی گشتی ئەمساڵ):

حاجیاوا: 288.4 ملـم (ساڵی ڕابردوو: 72.4 ملـم)

گردجان: 280.9 ملـم (ساڵی ڕابردوو: 78.2 ملـم)

قەڵادزێ: 279 ملـم (ساڵی ڕابردوو: 132.5 ملـم)

ڕێنمایی کشتوکاڵی چوارقوڕنە: 266.6 ملـم (ساڵی ڕابردوو: 89.3 ملـم)

سەروچاوە: 264.4 ملـم (ساڵی ڕابردوو: 66.3 ملـم)

سەرکەپکان: 260.5 ملـم  (ساڵی ڕابردوو: 88.3 ملـم)

چوارقوڕنە: 249.2 ملـم (ساڵی ڕابردوو: 88.4 ملـم)

سەنگەسەر: 244.5 ملـم (ساڵی ڕابردوو: 99.7 ملـم)

ڕانیە: 219.7 ملـم (ساڵی ڕابردوو: 81.2 ملـم)

ژاراوە: 217.6 ملـم (ساڵی ڕابردوو: 98.3 ملـم)

بەپێی ئەم ئامارانە، بارانبارینی ئەمساڵ لە هەندێک ناوچەدا بەراوەرد بە ساڵی رابردوو بە بڕی زیاتر لە 100 تا 200 ملیمەتر زیادی کردووە، ئەمەش کاریگەریی ئەرێنیی گەورەی لەسەر کەرتی کشتوکاڵ و زیادبوونی ئاوی ژێرزەوی لە ناوچەکەدا دەبێت.