بەڕێوەبەرایەتی گشتیی كەشناسی و بوومەلەرزەزانی رایدەگەیەنێت، ئەو نمەبارانەی لە بەشێك لە ناوچەكانی هەرێمی كوردستان دەستی پێ كردووە، تا سەرلەبەیانی سبەی چوارشەممە بەردەوام دەبێت.
كەشناسی رایگەیاند: ئەمشەو نمەبارانی پچڕپچڕ بەردەوام دەبێت بەتایبەت لە دوای نیوەشەو هەتا سبەی بەیانی.
كەشناسی پێشبینی كردووە لە شارەكان بەم رێژەی خوارەوە باران ببارێت:-
سەنتەری هەولێر / بارانی پێشبینیکراو (1-2) ملم
دەشتی هەولێر تا سنووری کۆیە / بارانی پێشبینیكراو (3-5) ملم
سلێمانی / بارانی پێشبینیکراو (2-3) ملم
هەڵەبجە / بارانی پێشبینیکراو (3-5) ملم
کەلار / بارانی پێشبینیکراو (4-7) ملم
کفری / بارانی پێشبینیکراو (4-9) ملم
کەرکووک / بارانی پێشبینیکراو (2-4)ملم
كەشناسی ئاماژەی بەوەش دا: ئەمشەو بەفرێکی کەمیش لە بەشێک لە ناوچەکانی ئیدارەی ڕاپەڕین و ناوچە شاخاوییە سنوورییە بەرزەکان لە ڕۆژهەڵات و باکووری ڕۆژهەڵاتی هەرێم دەبارێت.
جەختیشی كردەوە كە دوای نیوەڕۆی سبەی چوارشەممە کەشوهەوا ئاسایی دەبێتەوە.
کۆمێنت (0)
تا ئێستا هیچ کۆمێنتێک نەکراوە.