سەرۆکوەزیرانی کوردستان و شاندێکی سەربازیی فەڕەنسا، دۆخی ئەمنیی عێراق و ڕووبەڕووبوونەوەی مەترسییەکانی تیرۆر و هەڕەشەکانی داعش لە عێراق و سووریایان تاوتوێ کرد و جەختیان لە بهردهوامبوونی پشتیوانیکردنی هێزەکانی پێشمەرگە کردەوە
ئهمڕۆ دووشەممە 12/15، مەسرور بارزانى، سهرۆكى حکوومەتی ههرێمى كوردستان، پێشوازیی له جەنەڕاڵ فرانسوا تريكۆ، نوێنهری باڵای فهڕەنسا له هاوپهیمانیی نێودهوڵهتیی دژی داعش کرد.
له کۆبوونەوەکەدا کە یان برێم، کونسوڵی گشتیی فەڕەنسا لە هەرێمی کوردستان ئامادەی بوو، پەرەپێدانی پهيوهندييهكانى فهرهنسا و ههرێمى كوردستان و دۆخى ئەمنیی عێراق و ڕووبهڕووبوونەوەی مهترسييهكانى تيرۆر و ههڕهشهكانى داعش لە عێراق و سووریا تاووتوێ کران.
ههردوولا هاوڕا بوون لهسەر گرنگيى بهردهوامبوونی پشتیوانیکردنی هێزەکانی پێشمەرگە و هاوئاهەنگی نێوان هاوپهيمانيى نێودهوڵهتی و هەرێمی کوردستان بۆ ڕووبەڕووبوونەوەی تيرۆر و پاراستنى ئاسایش و ئاراميى ناوچەکە.
کۆمێنت (0)
تا ئێستا هیچ کۆمێنتێک نەکراوە.