پارێزگای هەولێر ڕایگەیاند، لەسەر داهاتی 15%ـی سەرۆکایەتیی شارەوانیی هەولێر، دەست بە جێبەجێکردنی پڕۆژەی دروستکردن و قیرتاوکردنی شەقام و کۆڵانەکانی گوندی نازماوە کرا.
بەگوێرەی ڕاگەیاندراوێکی پارێزگای هەولێر، بە گوژمەی 460 ملیۆن دینار و لەسەر ڕێژەی 15%ـی داهاتی سەرۆکایەتیی شارەوانیی هەولێر، پڕۆژەیەکی خزمەتگوزاری لە گوندی نازماوە دەستی پێ کرد.
لە ڕاگەیاندراوەکەدا وردەکاریی پڕۆژەکە خراوەتە ڕوو کە بریتییە لە دروستکردن، قیرتاوکردن و کۆنکرێتکردنی شەقام و کۆڵانەکانی گوندەکە.
بەپێی زانیارییەکانی پارێزگا، پڕۆژەکە پێکهاتووە لە دروستکردنی شەقام بە درێژیی 1500 مەتر، لەگەڵ قیرتاوکردن و کۆنکرێتکردنی ژمارەیەک شەقام بە ڕووبەری 17,000 مەتر دووجا.
کۆمێنت (0)
تا ئێستا هیچ کۆمێنتێک نەکراوە.