پێشبینی دەكرێت لە سەرەتای ئەم هەفتەیەدا شەپۆڵێكی بارانبارینی بەخوڕ هەرێمی كوردستان و عێراق بگرێتەوە و تەنانەت لە هەندێك شوێن ببێتە هۆی دروستبوونی لافاو.
سادق عەتییە كە شارەزایەكی كەشناسی عێراقییە دەڵێت: لە سەرەتای هەفتەی داهاتوو شەپۆڵێكی بارانبارینی سەرتاسەری و بەخوڕ هەرێمی كوردستان و عێراق دەگرێتەوە و بارانێكی باش دەبارێت.
راشیگەیاند: بەگوێرەی پێشبینییەكان زۆرترین رێژەی بارانبارین لە ناوچەكانی هەرێمی كوردستان دەبارێت، لە هەندێك شوێن بارانەكە ئەوەندە زۆر و بەخوڕ دەبێت، رەنگە ببێتە هۆی دروستبوونی لافاو.
شارەزاكەی كەشناسی داواشی لە تیمەكان كرد لە ئێستاوە ئامادەكاری خۆیان بكەن لە ئەگەری روودانی لافاو بۆ ئەوەی زەرەر و زیان بەدوای خۆیدا نەهێنێت.
کۆمێنت (0)
تا ئێستا هیچ کۆمێنتێک نەکراوە.