ئەمڕۆ دووشەممە لە ئەنجامی كەوتنەوەی رووداوی گڕگرتنی پاسێكی گواستنەوە، 45 عومڕەكانی هیندستان لە نزیك شاری مەدینە لە وڵاتی سعوودییە گیانیان لەدەست دا.
بەڕێوەبەرایەتی گشتی هاتوچۆی سعوودییە لەبارەی رووداوەكە رایگەیاند: پاسەكە 46 عومڕەكاری وڵاتینامەی هیندستانی تێدابووە، بەنیازبووە لە شاری مەدینە بەرەو شاری مەككە بڕوات، بەڵام لە رێگە خۆی بە بارهەڵگرێكی گواستنەوەی نەوتدا كێشاوە و گڕی گرتووە.
لە رووداوەكەدا 45 عومڕەكار گیانیان لەدەستداوە و تەنیا 1 كەس لە عومڕەكارەكان رزگاری بووە.
بەهۆی رووداوەكە، ناریندرا موودی سەرۆك وەزیرانی هیندستان لە پۆستێكدا لە تۆڕەكانی كۆمەڵایەتی، دڵگرانی خۆی بە كارەساتەكە دەربڕی و رایگەیاند كە باڵیۆزخانەی هیندستان لەگەڵ بەپرسانی سعوودییە لە پەیوەندی بەردەوامدایە سەبارەت بە هۆكاری كەوتنەوەی رووداوەكە و گەڕانەوەی تەرمەكان.
کۆمێنت (0)
تا ئێستا هیچ کۆمێنتێک نەکراوە.