وەزارەتی گەنجینەی ئەمریكا بە تۆمەتی هاوكاریكردنی ئێران، بەرپرسێكی باڵای عێراقی و برایەكی خستە لیستی تیرۆرەوە.
دوێنێ پێنجشەممە وەزارەتی گەنجینەی ئەمریكا لیستێكی 50 كەس و لایەنی دیكەی بڵاو كردەوە كە بە تۆمەتی هاوكاریكردنی ئێران لە فرۆشتنی نەوت و پارەداركردندا، سزایان بەسەردا سەپێنراوە.
لەنێو لیستەكەدا هەشت كەسایەتی و خاوەن ڕەگەزنامەی عێراقی هەبوون، یەكێك لەوانە بەرپرسێكی باڵا و براكەی بوو، عەقیل موفتەن خەفیف سەرۆكی لیژنەی ئۆڵەمپیی عێراق و براكەی عەلی غولامە كە بازرگان و خاوەنی كۆمپانیای موهەندیسە.
وەزارەتی گەنجینەی ئەمریكا رایگەیاندووە: عەقیل موفتەن و عەلی غولام و ئەوانی دیكەی نێو لیستی سزاكان، تۆڕێكی داراییان بۆ فرۆشتنی نەوت و غازی ئێران و پارەداركردنی گرووپە چەكدارەكانی سەر بە سوپای پاسداران بەڕێوەبردووە.
هەروەها رایگەیاندووە: عهقیل و عهلی پهیوهندییهكی نزیكیان لهگهڵ بهرپرسانی باڵای ههواڵگریی سوپای پاسداران ههیه و هاوكارن له گواستنهوهی پاره بۆ ئهو گرووپه عێراقییانهی پشتگیری له سوپای قودس دهكهن.
ئەو كەس و لایەنانەی لەنێو لیستی سزاكەی وەزارەتی گەنجینەی ئەمریكان سەر بە چەندین وڵاتی جیاوازن وەك ئیماڕات و چین و هۆنگ كۆنگ و سەنگافوورە و هیندستان، كاریان گواستنەوە و فرۆشتنی نەوت و غازی ئێران بووە بەشێوەی قاچاغ و نهێنی لە رێگەی كەشتی بارهەڵگری گەورەوە.
کۆمێنت (0)
تا ئێستا هیچ کۆمێنتێک نەکراوە.