بەگوێرەی راپرسییەك كە دەزگایەكی راگەیاندن لە ئەمریكا ئەنجامیداوە، دەركەوتووە كە زۆرینەی خەڵكی ئەمریكا لە هەڵسوكەوتەكانی دۆناڵد ترەمپ سەرۆكی وڵات رازی نین.
ڕاپرسییەكە لەلایەن دەزگای (YouGov) و تۆڕی میدیایی (CBS) ئەنجامدراوە و زۆرینەی خەڵك نەیان شاردۆتەوە كە نیگەرانن لە هەڵسوكەوتەكانی دۆناڵد ترەمپ سەرۆكی ئەمریكا.
ڕاپرسییەكە بۆ ماوەی سێ رۆژ بەردەست بووە و زیاتر لە 2400 كەس بەشدارییان تێدا كردووە.
ئەنجامی راپرسییەكە بەمشێوەیە بووە، 58%ی دەنگدەران لە هەڵسوكەوتەكانی دۆناڵد ترەمپ سەرۆكی ئەمریكا رازی نەبوونە، لەبەرامبەریشدا 42% وەڵامیان بۆ هەڵسوكەوتەكانی سەرۆك ئەرێنی بووە.
مانگی رابردوو بەهەمانشێوە گۆڤاری (ئیكۆنۆمیست) ڕاپرسییەكی لەبارەی هەڵسوكەوتەكانی سەرۆك ترەمپ ئەنجامدابوو، لە راپرسییەكەدا 54% دڵگرانبوون لە هەڵسوكەوتەكانی دۆناڵد ترەمپ.
کۆمێنت (0)
تا ئێستا هیچ کۆمێنتێک نەکراوە.