بەنزینخانەیەک لە گەرەکی فەرمانبەران ئاگری گرت و بەگوێرەی زانیارییەکان هیچ زیانێکی گیانی لێ نەکەوتووەتەوە.
ئەمڕۆ شەممە 4ـی تشرینی یەکەم، ڕووداوێکی ئاگرکەوتنەوە لە بەنزینخانەیەکی شاری هەولێر ڕوویدا. بەنزینخانەکە لە گەڕەکی فەرمانبەرانە و لە کاتی ئاگرکەوتنەوەکەدا دەنگی تەقینەوەی بەرز لە ناوچەکە بیسترا.
سامان سلێمان، پەیامنێری کوردستان تیڤی، ڕایگەیاند: "لەکاتی گواستنەوەی بەنزین لە ئۆتۆمبێلی بارهەڵگرەوە بۆ خەزانی بەنزینخانەکە، ئاگرکەوتنەوەکە ڕوویداوە".
سامان سلێمان پێشی ڕاگەیاندین: "ژمارەیەک کارمەندی بانزینخانەکە سووتاون و گواستراونەتەوە نەخۆشخانە هەروەها بێجگە لە بارهەڵگرەکە دوو ئۆتۆمبێلی دیکەش سووتاوە."
کۆمێنت (0)
تا ئێستا هیچ کۆمێنتێک نەکراوە.