سەرۆکی هەرێمی کوردستان، لە کۆنفرانسی ئەکادیمیی نێودەوڵەتیی جینۆسایدی ئێزدییەکان، رایگەیاند، کارەساتی ئێزدییەکان برینێکی قووڵە و پێویستە حکوومەتی عێراق زیاتر خۆی لە ئێزدییەکان بە خاوەن بکات و رێککەوتنی شنگال جێبەجێ بکرێت.
رۆژی دووشەممە، 25ـی ئابی 2025، بە ئامادەبوونی نێچیرڤان بارزانی، سەرۆکی هەرێمی کوردستان، کۆنفرانسی ئەکادیمیی نێودەوڵەتیی جینۆسایدی ئێزدییەکان بەڕێوەچوو.
لە کۆنفرانسەکەدا نێچیرڤان بارزانی، سەرۆکی هەرێمی کوردستان، رایگەیاند: "لە هەرێمی کوردستان ئێمە وەکو پرسێکی کوردستانی مامەڵە لەگەڵ کارەساتی ئێزدییەکان دەکەین".
زیاتر گوتی: "کارەساتی ئێزدییەکان برینێکی قووڵە، مایەی داخێکی زۆرە هێشتا نیوەی کۆمەڵگەی ئێزدی لە ژیان و شۆکێکی سەختدا دەژین".
سەرۆکی هەرێمی کوردستان ئاماژەی بەوە کرد، پێویستە عێراق زۆر لەوە زیاتر خۆی لە ئێزدییەکان بە خاوەن بکات و رێککەوتنی شنگال جێبەجێ بکرێت.
هەروەها داوای بەدیهێنانی دادپەروەری بۆ ئێزدییەکان کرد و گوتی: "پێویستە دادپەروەری هەموو بوارەکانی ژیانیان بگرێتەوە و لە گەڕانەوەیان بۆ زێدی خۆیان دڵنیا بکرێنەوە".
کۆمێنت (0)
تا ئێستا هیچ کۆمێنتێک نەکراوە.