بەڕێوەبەرایەتی كارهسات و باری لهناكاوی توركیا (ئافاد) رایگەیاند، ئەمشەو بەشێوەیەكی گشتی 7 بوومەلەرزە لە توركیا روویانداوە و بەهۆیەوە 6 كەس بریندار بوون.
ئێوارەی ئەمڕۆ یەكشەممە عەلی یەرلیکایا وەزیری ناوخۆی توركیا لە تۆڕی كۆمەڵایەتی ئێكس رایگەیاند: بوومەلەرزەیەك بە گوڕی 6.1 پلەی رێختەر لە پارێزگای بالكەسیر لە رۆژئاوای توركیا رووی دا.
هەر لەبارەی بوومەلەرزەكە ئافاد رایگەیاند: جگە لە بوومەلەرزەكەی پارێزگای بالكەسیر، 6 پاشبوومەلەرزەی دیكە لەسنووری پارێزگای مانیسا روویانداوە.
لەبارەی زیانەكانیش، ئافاد رایگەیاند: لە ترسی بوومەلەرزەكان و بەهۆی پەلەپەلییەوە بەشێوەیەكی گشتی 6 هاووڵاتی بە سووكی بریندار بوون، بەڵام برینی هیچ كامیان جێگەی مەترسی نییە.
ئاماژەی بەوەشدابوو، بەهۆی بەهێزی بوومەلەرزەكەی پارێزگای بالكەسیر، لە هەریەك لە پارێزگاكانی ئەستەنبۆڵ و ئیزمیر و هەروەها لە وڵاتانی بولگاریا و یۆنان و قوبڕس و باكوری سووریاش هەست بە بوومەلەرزەكە كرابوو.
کۆمێنت (0)
تا ئێستا هیچ کۆمێنتێک نەکراوە.