كۆمسیۆنی باڵای سەربەخۆیی هەڵبژاردنەكان دوایین ئاماری ژمارەی هاوپەیمانیی و حزب و تاك كاندیدەكان له رێگهی تیروپشكهوه راگهیاند و ههر یهكهو ژمارهیهكی جیاوازی پێداوه.
ئهمڕۆ شهممه 9ی ئاب ،ئاژانسی ههواڵی عێراق بڵاویكردووهتهوه، جومانە غەلای گوتەبێژی كۆمسیۆنی ههڵبژاردن رایگهیاندووه: دواین ئامار بۆ ژمارەی هاوپەیمانی و حزب و تاك كاندیدەكان رادهگهیهنین كه له رێگهی تیروپشكهوه ژمارهكانیان وەرگرتووه بەم شێوەیەیە: ژمارەی هاوپەیمانیەكان 31، ژمارەی لایەنەكان 38، ژمارەی كاندیدەكان 76، ژمارەی تاكەكان بۆ كورسییە گشتییەكان 23، هەروەها ژمارەی تاكەكان بۆ پێكهاتە كورسییەكان 53 كورسییە.
جومانه غهلای ئاماژەی بەوەشكردووە : تیروپشكەكە بە ژمارە 201 دەستپێدەكات و به پێی ریزبهندی بهشێوهی دادپهروهرانه بۆ ناوی حزب و هاوپهیمانیی و تاك كاندیدهكان دهڕوات.
گوتهبێژی كۆمسیۆنی ههڵبژاردن ئاشكراشی كردووه: دەستەی كۆمسیاران بڕیاریداوه ژمارە 56 له ریزبهندی تیروپشك هەڵبوەشێنێتەوە بەهۆی كاریگەرییە كۆمەڵایەتییەكانییەوە.
ئاماژەی بەوەشكردووە : ئەم ژمارانە بۆ ئەو هاوپەیمانيی و حزب و لیستە تاكەكەسییانەن كه بهشێوهی یاسایی و فهرمی له ماوهی رابردوو له كۆمسیۆن تۆمار كراون.
کۆمێنت (0)
تا ئێستا هیچ کۆمێنتێک نەکراوە.