به‌ ڤیدیۆ.. له‌ بنكه‌یه‌كی سه‌ربازی ئه‌مریكا ته‌قه‌ كراوه‌ و قوربانی كه‌وتۆته‌وه‌

ئه‌مرۆ چوارشه‌ممه‌ له‌ بنكه‌ی سه‌ربازی فۆڕت ستیوارتی له‌ ویلایه‌تی جۆرجیا ته‌قه‌ كراوه‌ و به‌گوێره‌ی زانیارییه‌ سه‌ره‌تاییه‌كان له‌ ئه‌نجامی ته‌قه‌كان قوربانی كه‌وتۆته‌وه‌.

به‌گوێره‌ی راگه‌یه‌نراوێكی بنكه‌ی سه‌ربازی فۆڕت ستیوارت، ئه‌مڕۆ چوارشه‌ممه‌ كاتژمێر 11:04ی سه‌رله‌به‌یانی له‌نێو بنكه‌ سه‌ربازییه‌كه‌ ته‌قه‌ كراوه‌ و تیمه‌كان گه‌یشتوونه‌ته‌ شوێنی رووداوه‌كه و بنكه‌كه‌ به‌ته‌واوی داخراوه‌.

بنكه‌ سه‌ربازییه‌كه‌ی ئه‌مریكا زانیاری زیاتری له‌باره‌ی رووداوی ته‌قه‌كان بڵاو نه‌كردۆته‌وه‌، به‌ڵام میدیاكان باس له‌وه‌ ده‌كه‌ن كه‌ له‌ ئه‌نجامی ته‌قه‌كان قوربانی كه‌وتۆته‌وه‌.

میدیاكانی ئه‌مریكا ڤیدیۆی چه‌ند سه‌ربازێكیان له‌نێو بنكه‌ سه‌ربازییه‌كه‌ بڵاوكردۆته‌وه‌ كه‌ له‌ كاتی رووداوی ته‌قه‌كان تۆماركراون.