ئەمڕۆ پێنجشەمممە لە نزیك پردی خەبات تەرمی گەنجێك دۆزراوەتەوە، بەرگریی شارستانی هەولێر دەڵێت، تەرمەكە نەناسراوە و هچ ناسنامەیەكی پێ نییە.
بەرگریی شارستانیی هەولێر رایگەیاند: پاش نیوەڕۆی ئەمڕۆ پێنجشەممە کاتژمێر 1:50 لەلایەن بنکەی پۆلیسی خەبات ئاگادار کراینەوە لە بوونی تەرمێکی سەرئاوکەوتوو لە نزیک پردی نوێی خەبات.
راشیگەیاند: دەستبەجێ تیمی ڕزگارکردن سەر بە بەڕێوبەرایەتیمان گەیشتنە شوێنی ڕووداوەكە و توانرا تەرمەکە دەربهێنرێتە دەرەوە و رەوانەی پزیشكی دادی هەولێر بكرێت.
بەرگریی شارستانی هەولێر داوای لە (كوردستان تیڤی) و دەزگاكانی راگەیاندن كرد هەواڵەكە بڵاو بكەنەوە بۆ ئەوەی كەسوكارەكەی بێن تەرمەكە ببەنەوە.
ئاماژەی بەوەش دا كە تەرمەکە ڕەگەزی نێرە و تەمەنی لەنێوان 24-25 ساڵ دەبێت و هیچ جۆرە ناسنامەیەکی ناسینەوەی پێ نییە.
کۆمێنت (0)
تا ئێستا هیچ کۆمێنتێک نەکراوە.