دوای 11 لە ڕفاندنی لەلایەن تیرۆریستانی داعشەوە، ئەمڕۆ پێنجشەممە كچێكی دیكەی ئێزیدی رزگار كرا و گەڕێنرایەوە نێو باوەشی كەسوكارەكەی لە شنگال.
پەیامنێری (كوردستان تیڤی) لە دهۆك پێی راگەیاندین: ئەمڕۆ پێنجشەممە كچێكی دیكەی ئێزیدی بەناوی ریهام حەجی لە دەستی تیرۆریستانی داعش رزگار كرا و گەڕێنرایەوە شنگال.
ریهام حەجی تەمەن 20 ساڵ، خەڵكی كۆمەڵگەها خانەسورێیە لە باكوری چیای شنگال، لە هاوینی 2014 لەگەڵ 77 ئەندامی ماڵباتەكەی لەلایەن تیرۆریستانی داعشەوە دەستگیر دەكرێن و دەڕفێنرێن.
ریهام چەند رۆژێك پێش ئێستا لە ناوچەیەكی سووریا دۆزرابووە و ئەمڕۆ پێنجشەممە گەڕێنرایەوە نێو كەسوكارەكەی لە شنگال.
ئەوەی جێگەی داخە ئەوەیە كە تا ئێستا 38 ئەندامی خێزانەكەی ریهام چارەنووسیان دیار نییە و نازانرێ لە كوێن و چیان بەسەر هاتووە.
دهۆك / رائید غانم
کۆمێنت (0)
تا ئێستا هیچ کۆمێنتێک نەکراوە.