ئەمڕۆ یەكشەممە دادگای فیدراڵی تاوتوێی سکاڵای پەرلەمانتارێکی لیژنەی نەوت و گازی پەرلەمانی عێراقی لەبارەی گرێبەستە نەوتییەکانی هەرێمی کوردستان لەگەڵ کۆمپانیا ئەمریکییەکان ئەنجام دا و دادگاكە بە بڕیارێک سکاڵای پەرلەمانتارەکەی هەڵوەشاندەوە.
ئەمڕۆ یەکشەممە 20ـی تەمووز، دادگەی فیدراڵی رایگەیاند: سکاڵای باسم نغێمیش غرێباوی ئەندامی لیژنەی نەوت و گازی پەرلەمانی عێراق لەسەر سەرۆک وەزیران و وەزیری سەرچاوە سروشتییەکانی هەرێمی کوردستان رەت کرایەوە.
دادگای فیدراڵی بڵاوی کردووەتەوە: ئەو پەرلەمانتارە سکاڵای لەسەر نایاساییبوونی گرێبەستەکانی هەرێمی کوردستان لەگەڵ کۆمپانیاکانی نەوتی ئەمریکی لە کێڵگەکانی میران و کۆرمۆر لە 19ـی ئایاری 2025 تۆمار کردبوو، لەسەر ئەو بنەمایەی بڕیار لە پووچەڵکردنەوەی گرێبەستەکان بدەین، لەبەر ئەوەی چیتر بەبێ راوێژ لەگەڵ عێراق هیچ گرێبەستێکی هاوشێوەی دیکە نەکرێت.
بەگوێرەی راگەیەنراوەکە: دادگای فیدراڵی بڕیاری کۆتایی لەسەر دۆسیەکە دا و داواکاری پەرلەمانتارەکەی رەت کردەوە.
کۆمێنت (0)
تا ئێستا هیچ کۆمێنتێک نەکراوە.