کەمێک پێش ئێستا لە رێگەی ئاکرێ – رۆڤیا، بەهۆی ڕووداوێکی هاتوچۆوە کەسێک گیانی لە دەست دا و کەسێکی دیکەش بریندار بوو.
رۆژی شەممە 19ـی تەمووز، لە رێگەی نێوان ئاکرێ-رۆڤیا، ئۆتۆمبێلێک وەرگەڕا و بە هۆیەوە شۆفێرەکە گیانی لە دەست دا و سەرنشینێکیش بریندار بوو.
غەفار تەیب، پەیامنێری کوردستان تیڤی دەڵێت؛ ئۆتۆمبێلێک لە جۆری هیۆندا تۆکسۆن هاتووەتە پێش ئەو شۆفێرە و ویستوویەتی خۆی لێ لابدات، بەڵام کۆنترۆڵی لەدەست داوە و ئۆتۆمبێلەکەی کە جۆری تۆیۆتا لاندکرۆزەر بووە، وەرگەڕاوە.
بە گوێرەی زانیارییەکانی پەیامنێری کوردستان تیڤی؛ ئۆتۆمبێلەکە دوو کەسی تێدا بووە و هەردووکیان گوازراونەتەوە بۆ نەخۆشخانە، شۆفێرەکە بە ناوی ئەرکان زوهێر کە خەڵکی ئاکرێیە، لە نەخۆشخانە گیانی لە دەست داوە.
کۆمێنت (0)
تا ئێستا هیچ کۆمێنتێک نەکراوە.