لە چیای ستونیای بەرواری باڵا، ورچێک هێرش دەکاتە سەر شوانێک و چەند شوێنێکی بریندار دەکات.
ئەمرۆ یەکشەممە 13ـی تەمووز، ئەحمەد ئۆرەیی، موختاری گوندی ئۆرە بە هێرش ئیسکان، پەیامنێری کوردستان تیڤی گوت: شوانێک لە بناری چیای ستوینا لەخوار گوندی ئورەی باڵا لەلایەن ورچێکەوە پەلامار دەدرێت و بریندار دەبێت.
هاووڵاتییەکە ناوی "هۆشیار ساڵح"ە و خەڵکی گوندی ئۆریەی سەر بە ناحیەی کانی ماسییە لە بەرواری باڵا، بەرەبەیانی ئەمرۆ لە کاتی لەوەڕاندنی مەڕەکانی، ورچێک هێرش دەکاتە سەری و چەند شوێنێکی بریندار دەکات.
هاووڵاتییەکە خۆی لە دەستی ورچەکە دەرباز دەکات، بەڵام هێڵی ئینتەرنێت و پەیوەندی لەو ناوچەیە نییە، بۆیە ناچار خۆی دەگەیەنێتە گوندی ئۆرە و لەلایەن هاووڵاتییانی ئەو گوندە رەوانەی نەخۆشخانەی فریاکەوتنی دهۆک دەکرێت، بەپێی زانیارییە سەرەتاییەکان باری تەندروستی جێگیرە.
کۆمێنت (0)
تا ئێستا هیچ کۆمێنتێک نەکراوە.