سەرۆكی ئەمریكا ئەمڕۆ چوارشەممە بڕیاری دا، پێناسی گومرگی بە رێژەی 30% بەسەر ژمارەیەك وڵاتی عەرەبی و لەنێویاندا عێراق، بسەپێنێت.
دۆناڵد ترەمپ سەرۆكی ئەمریكا لە كۆنگرەیەكی رۆژنامەوانیدا گوتی: پێناسی گومرگی بە رێژەی 30%ی بەسەر عێراق دەسەپێنرێت.
گوتیشی: ئەم پێناسە گومرگییە نوێیە لە رۆژی 1ی مانگی ئابی داهاتوو دەكەوێتە بواری جێبەجێكردنەوە.
جگە لە عێراق، دۆناڵد ترەمپ هەروەها پێناسی گومرگی بەسەر چەند وڵاتێكی دیكەش سەپاند بەمشێوەیە: جەزائیر و لیبیا و برۆنای بەڕێژەی 30%، هەروەها مۆلدۆفا و فیلیپین و برۆنای بەڕێژەی 25%.
بەهەمانشێوە ترەمپ دوێنێ سێشەممە سەپاندنی پێناسی گومرگی 25%ی بەسەر هەردوو وڵاتی ژاپۆن و كۆریای باشوور راگەیاندبوو بەهۆی نەكڕینی كەلوپەل و خۆراكی ئەمەریكی بەتایبەت برنج.
کۆمێنت (0)
تا ئێستا هیچ کۆمێنتێک نەکراوە.