ڕووسیا بە ژمارەیەکی پێوانەیی لە فڕۆکەی بێفڕۆکەوان و مووشەک، هێرشی کردووەتە سەر ئۆکڕاینا و ئەمەش بە گەورەترین هێرشی ڕووسیا بۆ سەر ئوکراینا لە پاش هەڵگیرسانی شەڕ دادەنرێت.
ڕۆژی چوارشەممە،9ـی تەمووز، هێزی ئاسمانیی ئۆکرانیا ڕایگەیاند: ڕووسیا شەوی ڕابردوو ژمارەیەکی پێوانەیی تۆمار کرد و بە 728 فڕۆکەی بێفرۆکەوان و 13 مووشەک، چەندین ناوچەی کردە ئامانج، ئەمەش نوێترین پەرەسەندنە لە چوارچێوەی زیادبوونی هێرشە ئاسمانییەکانی ڕووسیا لەم جەنگەدا کە زیاتر لە سێ ساڵە بەردەوامە.
ڤۆلۆدیمیر زێلێنسکی، سەرۆکی ئۆکڕانیا، ڕایگەیاند: شاری لوتسک لە باکووری ڕۆژئاوای ئۆکڕاینا، کە هاوسنوورە لەگەڵ پۆڵندا و بیلارووسیا، زۆرترین زیانی بەر کەوتووە، هەرچەندە 10 ناوچەی دیکەش کراونەتە ئامانج.
شاری لوتسک چەندین فڕۆکەخانەی سەربازیی تێدایە کە لەلایەن سوپای ئۆکرایناوە بەکاردەهێنرێن و فڕۆکەی بارهەڵگر و فڕۆکەی جەنگی بە شێوەیەکی بەردەوام بەسەر ئاسمانی شارەکەدا دەفڕن.
بەپێی ڕاگەیەندراوێکی هێزی ئاسمانی، سیستەمی بەرگریی ئاسمانیی ئۆکراینا 296 فڕۆکەی بێفڕۆکەوان و حەوت مووشەکی خستووەتە خوارەوە، لە کاتێکدا 415 فڕۆکەی بێفڕۆکەوانی دیکە لە ڕادارەکان ونبوون یان نەیانتوانیوە ئامانجەکانیان بپێکن.
کۆمێنت (0)
تا ئێستا هیچ کۆمێنتێک نەکراوە.