مەسعوود پزیشكیان سەرۆكی ئێران ئاشكرای كرد كە لەلایەن ئیسرائیلەوە هەوڵی كوشتنی ئەو درابوو، بەڵام هەوڵەكان سەریان نەگرتبوو.
پزیشكیان لە چاوپێكەوتنێكدا لەگەڵ رۆژنامەنووسێكی ئەمریكی كە ئەمرۆ دووشەممە بڵاوكراوەتەوە، دەڵێت: ئیسرائیل هەوڵی كوشتنی منی دابوو، بەڵام لە هەوڵەكەیان شكستیان خواردبوو.
دەشڵێت: ئەمریكا لەپشت هەوڵەكەدا نەبوو، بەڵكو ئیسرائیل بەتەنیا دەیویست ئەم كارە بكات.
لەبارەی شێوازی هەوڵی كوشتنەكەی، پزیشكیان گوتی: لە كۆبوونەوەدابووم، ئیسرائیلییەكان هەوڵیاندابوو ئەو شوێنە بۆردومان بكەن كە كۆبوونەوەكەی تێدا ئەنجام دەدرا.
سەبارەت بە كات و شوێنی هەوڵی كوشتنەكە، سەرۆكی ئێران هیچ زانیارییەكی دیكەی بڵاو نەكردەوە.
ئەم لە كاتێكدایە كە لە ماوەی شەڕی 12 رۆژەی نێوان ئیسرائیل و ئێراندا، دەیان بەرپرسی باڵای ئەمنی و سەربازی و زانای ئەتۆمی و هاووڵاتی ئێرانی لەلایەن ئیسرائیلەوە هاتنە كوشتن.
کۆمێنت (0)
تا ئێستا هیچ کۆمێنتێک نەکراوە.