گوتەبێژی نەخۆشانەی خورماتوو دەڵێت، زیاتر لە 180 کەس لە رێوڕەسمی عاشوورا بریندار بوون و گەیەنراونەتە نەخۆشخانە.
ئەمرۆ یەکشەممە 6ـی تەمووز، عەلی فەلاح، گوتەبێژی نەخۆشخانەی خورماتوو بە دیجیتاڵ میدیای کوردستان تیڤی راگەیاند: "ئا ئێستا لە نێوان 180 بۆ 200 کەس لە رێوڕەسمی عاشوورادا بریندار بوون و لەلایەن تیمەکانمانەوە چارەسەریان وەرگرتووە.
گوتەبێژی نەخۆشخانەی خورماتوو دەڵێت، ساڵانە لە کاتی رێوڕەسمی عاشورادا، تووشی ئەو رووداوانە دەبینەوە، بۆیە سەرجەم تیمە پزیشکی و تەکنیکی و ئیدارییەکانمان ئامادەکاری دەکەن بۆ هاوکاریکردن و پاراستنی گیانی بەشداربووانی رێوڕەسمەکە.
بە گوتەی عەلی فەلاح، سەرجەم بریندارەکان لە نەخۆشخانە یان لەلایەن تیمە گەڕۆکەکان چارەسەریان وەرگرتووە و برینی هیچ کامیان قورس نەبووە، هاوکات دەشڵێت، تاوەکو ئێستا هیچ رووداوێکی گیان لەدەستدانیان تۆمار نەکردووە.
کۆمێنت (0)
تا ئێستا هیچ کۆمێنتێک نەکراوە.