لەسەر ڕێگای نێوان هەردوو ناحیەی شیلادزێ و دێرەلۆک، بە هۆی کێشەی خێزانییەوە تەقە لە ژن و پیاوێک کرا و هەردووکیان بریندار بوون.
ئەمڕۆ یەکشەممە 29ی حوزەیران، ئافرەتێکی دانیشتووی ناحیەی شیلادزێ لەگەڵ براکەی، بە هۆی کێشەی خێزانییەوە لە لایەن هاوژینی ئافرەتەکەوە تەقەیان لێ کرا لە ئەنجامدا هەردووکیان بریندار بوون و گوازرانەوە بۆ نەخۆشخانەی ئامێدی.
بە پێی زانیارییەکانی بەشار عەلی، پەیامنێری کوردستان تیڤی لە ئاکرێ، ئەو ئافرەتەی تەقەی لێ کراوە، بەیانیی ئەمڕۆ لەگەڵ براکەی چووەتە دادگەی بەرایی دێرۆلۆک و بە هۆی هێندێک کێشەی خێزانییەوە سکاڵایەکی لەسەر هاوژینەکەی تۆمار کردووە؛ دواتر لە کاتی گەڕانەوەیان، لەسەر ڕێگای دێرەلۆک بەرەو شیلادزێ، هاوژینی ئافرەتەکە تەقەی لێ کردوون و هەردووکیانی بەسووکی بریندار کردووە.
فەرمانگەی تەندروستیی ئامێدی بە پەیامنێری کوردستان تیڤیی ڕاگەیاند: برینی هەردوو کەسەکە سووک بوو بەڵام بۆ دڵنیابوون لە تەندروستیی هەردووکیان، گوازراونەتەوە بۆ نەخۆشخانەی فریاکەوتنی دهۆک.
کۆمێنت (0)
تا ئێستا هیچ کۆمێنتێک نەکراوە.