میدیاكانی نزیك لە سوپای پاسدارانی ئێران بڵاویان كردەوە كە ئامانجی داهاتووی سوپای پاسداران بۆردومانی بارەگای تەلەفزیۆنی كەناڵ 14ی ئیسرائیلی دەبێت.
میدیاكانی ئێران بڵاویان كردەوە: لە تۆڵەی بۆردومانی بارەگای رادیۆ و تەلەفزیۆنی ئێران، سوپای پاسداران بۆردومانی سەرجەم كەناڵە تەلەفزیۆنەكانی ئیسرائیلی خستۆتە نێو پلانەكانییەوە، لە نێویشیاندا كەناڵ 14ی ئیسرائیلی.
رۆژی دووشەممەی رابردوو، سوپای ئیسرائیل لە پەخشی راستەوخۆ بۆردومانی بارەگای رادیۆ و تەلەفزیۆنی فەرمی ئێرانی لە تاران كرد و بەهۆیەوە تەواوی تەلەفزیۆنەكە سوتا.
دواتریش میدیاكانی ئێران بڵاویان كردەوە كە لە ئەنجامی بۆردومانی تەلەفزیۆنەكە، ژمارەیەك كارمەند بریندار بوون.
کۆمێنت (0)
تا ئێستا هیچ کۆمێنتێک نەکراوە.