ئەنجوومەنی وەزیرانی هەرێمی کوردستان کۆدەبێتەوە و جگە لە دۆخی ناوچەکە، پرسی لێخۆشبوونی سزای هاتوچۆ و دامەزراندنی دەرچووانی پزیشکی تاوتوێ دەکات.
رۆژی چوارشەممە 18ـی حوزەیران، فەرمانگەی میدیا و زانیاریی حکوومەتی هەرێمی کوردستان رایگەیاند، ئەنجوومەنی وەزیران کۆبوونەوەی ئاسایی خۆی ئەنجام دەدات و لەسەر سێ تەوەری جیاواز گفتوگۆ دەکات.
بەگوێرەی راگەێینراوەکەی فەرمانگەی میدیا و زانیاریی؛ "لە بڕگەی یەكەمدا دوایین دۆخی ناوچەكە و شەڕ و ئاڵۆزی و پێشهاتە سیاسی و سەربازی و ئەمنییەكان و كاریگەرییەكانی لەسەر هەرێمی كوردستان گفتوگۆ دەكرێ"
بەدەر لە دۆخی ئەمنی بڕیارە هەر ئەمڕۆ ئەنجوومەنی وەزیران پرسی درێژکردنەوەی لێخۆشبوون لە سزای سەرپێچیی هاتوچۆ بە ڕێژەی 20% بۆ شەش مانگی دیكە تاوتوێ بکات و هاوکات بەدواداچوون بۆ پرسی دامەزراندنی دەرچووانی کۆلێژی پزیشکیی گشتی یەک لە تەوەرەکانی دیکەی کۆبوونەوەکە بێت.
کۆمێنت (0)
تا ئێستا هیچ کۆمێنتێک نەکراوە.