سەرۆك وەزیرانی ئیسڕائیل ئەمڕۆ دووشەممە رایگەیاند، هێڵی ئاسمانی ئیسڕائیل بەتەواوی كۆنتڕۆلی ئاسمانی تارانی كردووە و لە سەركەوتنی یەكجاری نزیك بووینەتەوە.
بنیامین نەتانیاهۆ سەرۆك وەزیرانی ئیسڕائیل لەمیانەی سەردانێكی بۆ بنكەی هێڵێ ئاسمانی تەل نووف هاوشان لەگەڵ وەزیری بەرگری و سەرۆكی ئەركان، رایگەیاند: بە وردی و چڕی بۆردومانی بنكە و بارەگا ئەتۆمی و سەربازییەكانی رژێمی ئێران دەپێكین، بە پێچەوانەوە رژێمی ئێران هاووڵاتییانی مەدەنی دەكاتە ئامانج.
سەرۆك وەزیرانی ئیسڕائیل راشیگەیاند: تاڕادەیەكی زۆر لە ئامانجەكانمان نزیك بووینەتەوە كە ئەویش لەناوبردنی مەترسییەكانی چەكی ئەتۆمی و مووشەكە بالیستیكییەكانی ئێرانە.
نەتانیاهۆ هەروەها پەیامێكی ئاراستەی گەلی ئێران كرد و گوتی: دواتان لێ دەكەین لە بارەگا و شوێنە سەربازی و ئەتۆمییەكان دووربكەونەوە بۆ ئەوەی سەلامەت بن.
ماوەی چوار رۆژە هێرشەكان مووشەكی و ئاسمانییەكان لەنێوان ئیسڕائیل و ئێران دەستی پێ كردووە، ژمارەی قوربانییەكانیش لە هەردوولا تا دێت زیاتر دەبێت.
کۆمێنت (0)
تا ئێستا هیچ کۆمێنتێک نەکراوە.