هێرشەكانی ئیسڕائیل بۆ سەر ئێران بەردەوامن و كەمێك پێش ئێستا دەنگی چەند تەقینەوەیەكی گەورە لە تارانی پایتەخت بیستراوە.
بەگوێرەی میدیاكانی ئێران ئەمشەو دەنگی چەند تەقینەوەیەكی گەورە لە رۆژئاوای تاران بیستراوە و پێدەچێت هەر درێژەی هێرشی فڕۆكەكانی ئیسڕائیل بێت بۆ سەر ئەو وڵاتە.
سەرلەئێوارەش بەهەمانشێوە دەنگی تەقینەوەی گەورە لە شاری هەمەدان بیسترابوو و چەند ناوچەیەكی سەربازی شارەكە لەلایەن فڕۆكەكانی ئیسڕائیلەوە كرابوونە ئامانج.
بەرەبەیانی ئەمڕۆ هەینی هێرشی مووشەكی و ئاسمانی ئیسڕائیل بۆ سەر ئێران دەستی پێ كرد و تێیدا ژمارەیەك شوێنی تایبەت لەناوخۆی ئێران كرانە ئامانج.
بەگوێرەی سەرچاوەكان لە ناوخۆی ئێرانەوە، لە ئەنجامی هێرشەكان تا ئێستا زیاتر لە 80 كەس كوژراون و لەنێویاندا 20 سەركردەی باڵای سەربازی و زانای ئەتۆمی ئێران هەن.
کۆمێنت (0)
تا ئێستا هیچ کۆمێنتێک نەکراوە.