بەڕێوەبەرایەتی کەشناسی و موبەلەرزەزانی هەرێمی کوردستان پێشبینی دەکات ئەمڕۆ پلەی گەرما بەرزببێتەوە و دەشڵێت، سبەی لە ناوچە شاخاوی و سنوورییەکان ئەگەری تاوەباران هەیە.
رۆژی یەکشەممە 8ـی حوزەیران، بەڕێوەبەرایەتی کەشناسی و بومەلەرزەزانی هەرێمی کوردستان پێشبینییەکانی بۆ کەشوهەوای 48 کاتژمێری داهاتوو بڵاوکردووەتەوە و دەڵێت پلەی گەرما نزیکەی دوو پلەی سیلیزی بەرزدەبێتەوە.
بەڕێوەبەرایەتیی کەشناسی دەڵێت؛ "ئەمڕۆ ئاسمان ساماڵ و پەڵە هەور دەبێت . و پلەی گەرما لە نێوان یەک بۆ دوو پلەی سیلیزی بەرزدەبێتەوە.
لەبارەی کەشوهەوای رۆژی دووشەممە 9ـی حوزەیران، ئەو بەڕێوەبەرایەتییە پێشبینی دەکات؛ "ئاسمان ساماڵ و پەڵە هەور دەبێت لە هەندێ کات و شوێن دەگۆرێت بۆ نیمچە هەور و ئەگەرى تاوە بارانێکی کەم لەناوچە شاخاوییە سنورییەکان هەیە.
بەڕێوەبەرایەتی کەشناسی و بومەلەرزەزانی هەرێمی کوردستان پێشبینی دەکات، درەنگانی شەوی دووشەممە خێرایی با زیاد بکات و دەشڵێت، پلەی گەرما نزیک دەبێتەوە لە تۆمارکراوەکانی ئەمڕۆ.
بەرزترین پلەکانی گەرمای پێشبینیکراو بە پلەی سیلیزی
هەولێر : 38 پلەی سیلیزی
سلێمانی : 36 پلەی سیلیزی
دهۆک : 37 پلەی سیلیزی
کەرکوک : 41 پلەی سیلیزی
زاخۆ : 38 پلەی سیلیزی
هەڵەبجە : 37 پلەی سیلیزی
سۆران : 36 پلەی سیلیزی
حاجی ئۆمەران : 21 پلەی سیلیزی
گەرمیان : 42 پلەی سیلیزی
کۆمێنت (0)
تا ئێستا هیچ کۆمێنتێک نەکراوە.