پێشبینی دەكرێت یەكەم رۆژی جەژن كە رۆژی هەینی داهاتووە، كەشوهەوا لە هەرێمی كوردستان فێنك بێت و پلەكانی گەرماش بەڕێژەیەكی بەرچاو روو لە دابەزین بكەن.
ئاراس جەبار شارەزای كەشناسی رایگەیاند: لە سبەی دووشەمەوە تا کۆتای ئەم ھەفتەیە و یەكەم رۆژی جەژنی قوربان رێكەوتی 6/6/2025 ھەرێمی کوردستان و ناوچەکە دەکەوێتە ژێر کاریگەری ھاتنی بارستە ھەوایەکی فێنک لە دەریای ناوەراستەوە و پلەکانی گەرما بەرێژەی 6 تا 8 پلە بەراورد بە ئەمڕۆ یەكشەممە نزم دەبنەوە.
راشیگەیاند: سبەی خۆڵبارینێکی لاواز و کەم بەشێك لە پارێزگاكانی عێراق و ناوچەكانی ئیدارەی گەرمیان و کەرکووک دەگرێتەوە، بەڵام خۆڵبارینەكە بە زووی کۆتایی دێت .
شارەزاكەی كەشناسی ئاماژەی بەوەش دا كە لە سەرەتای هەفتەی داهاتوو و لە رۆژی شەممە و لە دووەم رۆژی جەژن، پلەكانی گەرما روو لە بەرزبوونەوە دەكەنەوە.
کۆمێنت (0)
تا ئێستا هیچ کۆمێنتێک نەکراوە.