جۆ بایدن تووشی شێرپەنجەی پرۆستات بووە

جۆ بایدن تووشی شێرپەنجەی پرۆستات بووە و لەگەڵ خێزانەکەی بڕیاریان داوە چارەسەرە پزیشکییەکان وەربگرێت.

ئەمڕۆ دووشەممە 19ـی ئایاری 2025، نووسینگەی سەرۆکی پێشوی ئەمریکا جۆ بایدن ڕایگەیاند: دوای چەندنی پشکنین دەرکەوتووە "بایدن تووشی شێرپەنجەی پرۆستات بووە و شێرپەنجەکە بە جەستەیدا بڵاوبووەتەوە و گەیشتووە بە ئێسقانەکانی''، لەم بارەیەوە دکتۆر بنیامین براهمبات دکتۆری میز و میزەڕۆ گوتی، لەگەڵ هەڵکشانی تەمەن تووشبوون بە هەڵئاوسانی پرۆستات یان شێرپەنجەی پرۆستات ئاساییە بەڵام بایدن شێرپەنجەکە بە جەستەیدا بڵاو بووەتەوە بەڵام دەبێت بەزووی چارەسەر وەربگرێت.

لە کاتی سەرۆکایەتی ئەمریکا کەم و کوڕی و ئاماژەکانی نەخۆشی بە جۆ بایدنەوە دیار بوو بەڵام سەرۆکی پێشووی ئەمریکا نەدەچوە پشکنین و کارەکەی دوادەخست.

لە شوباتی 2024 بایدن بڕیاری دا پشکنینی پزیشکی ئەنجام بدات لە سەنتەری پزیشکی تایبەت بە سوپا کە لەلایەن دکتۆر کێڤن ئۆکۆنۆر سەرپەرشتی دەکرا و ئەنجامەکانی ئەوکاتە ئەرێنی بووە و پێی گوتووە هیچ کێشەیەکی تەندروستیت نیە.

جۆ بایدنی تەمەن 82 ساڵان لەگەڵ ئەندامانی خێزانی بڕیاریان داوە سەردانی دکتۆر بکەنەوە بۆ وەرگرتنی چارەسەری پزیشکی.