ئێوارەی ئەمڕۆ سێشەممە لە سنووری پارێزگای هەولێر بوومەلەرزە رووی دا، بەڵام بەهۆی كەمی هێزەكەی هاووڵاتییان هەستیان پێی نەكرد.
بەگوێرەی راپۆرتی دەستەی كەشناسی و بوومەلەرزەزانی عێراق، بوومەلەرزەكە كاتژمێر 4.42ی سەرلەئێوارە روویداوە لە دووری 30 كیلۆمەتر لە باكوری پارێزگای هەولێر.
هێزی بوومەلەرزەكە 2.3 پلە بووە بە ئامێری پێوانەی رێختەر بووە و لە قوڵایی 5.4 كیلۆمەتر لە قوڵایی زەوی روویداوە.
دەستەی كەشناسی و بوومەلەرزەزانی عێراق ئاماژەی بەوەشداوە كە بەهۆی كەمی هێزی بوومەلەرزەكە، هاووڵاتییانی هەولێر هەستیان بە بوومەلەرزەكە نەكردووە.
کۆمێنت (0)
تا ئێستا هیچ کۆمێنتێک نەکراوە.