شارەزایەكی كەشناسی رایدەگەیەنێت كە ئەمشەو یەكشەممە لە بەشێك لە ناوچەكانی هەرێمی كوردستان باران و تەرزە دەبارێت.
هەڤاڵ سدیق گەڵۆزی شارەزای كەشناسی رایگەیاند: ئێستا تاوەبارانی بەخوڕ و هەورەبروسکەی باراناوی تەواوی ناوچەکانی باکور و باشووری پارێزگای نەینەوای گرتۆتەوە لە جوولەدایە بە ئاراستەی ناوچەکانی ڕۆژئاوای پارێزگای هەولێر و کەرکووک و تکریت.
راشیگەیاند: درەنگانی ئەمشەو شەپۆڵەكە دەگاتە سنووری پارێزگاكانی هەولێر و كەركووك.
هەروەها رایگەیاند: شەپۆڵەكە هەڵگری تاوەبارانی بەخوڕ و هەورەبروسکەی بەهێز و لە هەندێك ناوچەش تەرزەی لەگەڵدایە .
شارەزاكەی كەشناسی ئاماژەی بەوەش دا كە ئێستا هەورەبروسکەی چڕی باراناوی زۆربەی ناوچەکانی هەڵەبجە و گەرمیان و ڕۆژهەڵاتی پارێزگای سلێمانی و ڕاپەڕینیشی گرتۆتەوە .
کۆمێنت (0)
تا ئێستا هیچ کۆمێنتێک نەکراوە.